அவலம் ..!

எல்லாநாளும் போல எமக்கு ..
இன்னாளும் விடிகிறது ..
எல்லோரும் வருகிறார் போகிறார் ..
இன்னும் 
கூரை மட்டும் மேயவில்லை ..
அதனால்
எல்லாநாளும் விடிகிறது ..
நட்சத்திரம் மறையமுன்னே ..
எங்களின் படங்களைக் காட்டிப் பலர்
பணம் பார்க்கிறார் ..

இப்பவும் நாங்கதான் அவர்களுக்கு ..
ஓர் கருவி
கருகிப் போயும் ..
ஊர் எல்லாம் உதவி நிறுவனம் ...
பெயரளவில் மட்டும் எமக்கு ..
யார் எல்லாம் உதவினார் .. ?

வாங்கித் தங்கள் பைகளில் போட்டனர் ..
பதவிகள் பிடித்தனர்
பாவம் மக்கள் ..

பத்து ரூபாவில் ஒரு உரூபாய் ..
தந்துவிட்டு
பத்து முறை படம் எடுப்பர் ..
தாங்கள் சோறு போடுவதா ..
செய்திகள் சொல்வர் ஊருக்கு ..

போரின் அவலமும்
வாழ்வின் வலியும் ..
பலருக்கு வியாபாரம் ஆனது ..

எமக்கு விம்மி அழுவதைத் தவிர ..
இங்கு
எதுவும் இல்லைப் பக்கத்தில் ..
இந்த வருடமாவது
இரக்கம் உள்ளவர் ..வாருங்கள் நேராக
எங்கள் நிலை பார்க்க ..
தாருங்கள்
சதங்கள் என்றாலும் ..
அவர்கள் கைகளுக்கு
உங்கள் கைகளால் கொடுக்க வேண்டாம் ....

அவர்கள்
விளம்பர பிரியர்கள் ...
எங்களை விற்றுத் தங்களை ..
தேசியவாதிகளாக் காட்டுவோர் ..

அவர்களுக்கு இந்தவருடம்மாவது ..
ஒரு முடிவுரை எழுதுங்கள் ..
உதவியை நேரில் செய்யுங்கள் ..
நடிப்பவர் கைகளில் கொடுக்காது ...
அவலங்கள் அகலட்டும்
பிறக்கும் ..
புதிய ஆண்டிலாவது எம் மண்ணுக்கு .